Situada na ría do seu mesmo nome, a illa formou parte do municipio de Vilanova até a súa segregación para converterse en municipio dende o 1 de xaneiro de 1997.

A ponte construída en 1985 e que a une en Vilanova coa estrada C-550 adéntranos nesta pequena illa, tradicionalmente pesqueira, que ocupa unha extensión de case 7 qm2. A construción de dita ponte, que por unha banda privoulle dese máxico carácter insular, supuxo por outra banda un maior desenvolvemento dos seus recursos mariños (en torno a 400 bateas) e unha maior apertura ao turismo que pode gozar dunha trintena de acolledoras praias e practicar actividades acuáticas como a vela, a pesca, etc.

Ademais do seu interese paisaxístico, o Parque Natural do Carreirón, situado no sur da illa forma parte do amplo "Complexo Intermareal Umia- O Grove", recoñecido por varios organismos como zona húmida e de protección de aves. Este parque posúe varios ecosistemas (dunas, lagoa e marismas) con numerosas especies endémicas.

Destaca o miradoiro de Con do Fornos, situado na parte norte da illa, dende onde se pode observar unha bonita vista de todo o municipio e da ría de Arousa.

Poboación

A Illa é un ‘sete' atracado na ría e ten unha superficie de sete quilómetros cadrados aproximadamente. Este Concello pertence á comarca de O Salnés e ten unha poboación de 4.780 habitantes.

A Illa

Na bocana da ría de Arousa, unida a terra por a ponte de O Vao, de 2qm de lonxitude, encóntrase o único municipio insular de toda Galicia; A Illa de Arousa.

Dos seus 7 qm2 tan só aparecen urbanizados 2, preservando así un valioso patrimonio natural, formado por monte, marismas e lagoas, cunha rede de camiños que permite acercarse sen maiores dificultades a calquera rincón da illa.

Natureza e paisaxe

O municipio esconde lugares de gran valor ecolóxico e paisaxístico,coma os arredores do faro, onde as rocas esculpidas por lo mar e o vento evocan formas fácilmente recoñecibles, ou o Parque Natural de Carreirón, no que se atopa a ensenada Brava, con un muíño de marea de gran valor etnográfico, e varios observatorios de aves marinas e de ribeira.

Ocio e deporte

Praias coma as do Vao, Camaxo, Camaxiñas, Cabadeiro, Area Secada, ou Pombas permiten tanto o descanso como a práctica de deportes náuticos: Esquí acuático, submarinismo, piragüismo, vela, surf, windsurf...

Aínda que o deporte tradicional na illa sexan as regatas de dornas, embarcacións artesanais de gran tradición nesta ría.